Xisbi curdinka mucaaradkaa ee Wadani oo seeskiisii aasaaska gundhig uga dhigay saddex qodob aan marnaba guul u horseedayn, dadkuna ku nacayaan, saddexdaas qodob hore looma baran Xisbiyadii soo maray Somaliland .
Saddexda qodob ee aasaaska u ah Xisbiga Wadani, waxaana ay noqon doonaan kuwo uu kala kulmi doono guul daro waarta aanu abidkii soo kori doonin salaanka hoogaanka dalka.
- Inta xisbigaa ay joogaan cirana talada siiyaan kuwa isku sheega xildhibaanada eek u raaxaysta cayda iyo aflagaada shikhsiyaadka mudan sharafta , xasaanadii loo xidhay hayn kari waayeen iyagu sida ina buubaa la yidhaahdo kuna xigaan Ina Riyaraac oo ehelkiisii dayro kah, ninkan waalan isagu ugu daranba la yidhaahdo cabdiraxmaan xoog, Ina Uurcade iyo kuwo kale oo badan , wuxuu yidhi abwaan somaliyeed “Baadida nin baa kula daydaya, dadaalna kaa badane Aan doonahayn inaad heshana daain abidkiiye” Nimankaa ku xeeran ciro iyo xisbiga waa kuwo aan dhamaantood is caqli dhaamin aad moodo in dhoobadooda meel laga wada qaaday, iyagu waxay isu yaqaaniin guusha xisbiga balse waa guuldarada xisbigaas.
- Qodobkan labaad wuxuu yahay Cabdiraxmaan ciro wuxuu gudoomiye u yahay xisbiga qaayiska ah ee wadani sida caadadu tahay xisbi kasta waa in laga wada muuqdaa oo la wada lahaadaa sidii kulmiye iyo udub oo kale balse xisbigiisa wuxuu ka dhigay mid dhan ka raran oo xaafad keliya ah ama reer qudha ah taasina waxay ka muuqataa jaantuska xisbiga marka laga reebo laba saddex qof oo bilaa samayn ah wax kalsooni ahna aan lagu qabin, somalilandna caadadeedu may ahayn in xisbi reer leeyahay talada wadanka qabsado cid dooranaynaasana ma jirto, waxaana halkasi inooga cad in xisbiga wadani isagoo maanta raad dhaqaajisa haduu qabyaalad ku hadal bartay beri markuu korana muxuu samayn ? waa hubaal qofkastaaba wuxuu la barbaaro ayuu la waynaadaa wadanina waa sidaa.
- Wadani wuxuu uruursaday in alaale intii ku fashilantay ee gudan kari wayday waajibaadkoodii qaranka ee loo igmaday, markii xilalkii laga qaadayna waxay keentay in afkay shalay ku amaanayeen Madaxweynaha maantana ku caayaan, waa laba aan is qaban, hadii dadka reer Somaliland waa kasoo waayo arkeen cid qabyaalad iyo musuq ku maamusha , waxay doonayaan cid horumarka iyo hogaanka ku maamusha.
Dadku siday qabaan Xisbiga wadani la yidhaahdo marnaba laguma rajo weyna inuu talada dalka qabto waayo waxa la ogyahay inuu keeni doono aafo yabyaaladeed mid tahriibeed, iyo musuq maasuq sababtoo ah kuwii lagu soo eryey qabyaalada iyo musuq maasuqa ayaa soo dhex fadhiistay ninkii shalay musuq iyo qabyaalad lagu eryey haduu maanta shaadh kale soo xidho saw isagii uun maaha .
Qalbaawi Ismaaciil
Cape town/South Africa
qalbo0230@gmail.com
