Q1aad
Waxaan Halkan salaam sharaf badan ugu dirayaa dhamaan Warbaahinta madaxa banaan gudaha iyo debadda ee Somaaliland.
Muddo hataan laga joogo afar sano ayaa dadwaynaha reer Somaliland ay magan iyo miciin ka sugayeen hogaanka Xukuumada madaxweyne Siilaanyo, Laakiin waxaa markiiba u cadeyd dad badan oo indheer garad ahaa in aanay dariiqii horumarka ku jihaysneyn xukuumada kulmiyey iyo xisbigeeda hada burburey. maadaama hadafka koowaad ee Xisbiga Kulmiyana uu sal u ahaa oo laga dhadhaminaayey tolaayeey bal aan mar uun kursiga fuulo. taas oo waxgarad badani ay ka hadleen oo uu ka mid ahaa Madaxawaynihii hore ee Somaliland mudane Daahir Rayaale Kaahin “ Kulmiye waxa uu doonayey in uu aarsado oo waxa uu qabey ciil gaamuray” taas oo ganacsatadii raacsaneyd ay la cadhoodeen oo ay lacag badan badka dhigeen si uu Siilaanyo kursiga ufuulo.hase yeeshee dadwaynahu waxa ay filiyeen isbadal dhab ah oo deg-deg ah oo ka duwan tan maanta jira.
Dhaqan xumadda ay xukuumadani ku caanbaxdey ee ay shacabkii indhahooda ku daawadeen waxaa ka mid ah qabyaalad, qaraabee kiil, dhul boob iyo in ay ku bixiyaan hantida ummadda laaluush joogta ah, iyaga oo adeegsanayaa waji kumacaash, afkumuacaash iyo guulwadayaal aan diin iyo damiirtoona lahayn. Waxaa taasi tusaale kuugu filan in aanu maanta jirin nin waxgarad ah oo taageeraya Dowlada Siilaanyo laakiin ay taageerayaashiisii ubateen duul damiir laaweyaal ah oo dan la orod ah oo faro guudkood ku istaadhma iyo Ganacsato beeshiisa ubadan oo dhiiga iyo dheecaanka ka jaqa shacabka baahan ee debedyaalka u ah danyarnimada iyo duruufaha adag ee nololeed ee ku xeeran
Burburinta maamuuskii iyo milgihii dowladnimo ay burburiyeen Xukuumadani intii ay jirtay iyaga oo soo saaray hal qabsiyo iyo weedho runtii ay dad badani ay layaabeen waxaa ka mid in qofka mucaaridka kala horyimaada lagu dayo in lagu laaluusho hantida ummada ama laga siiyo boos xaga dowlada ah. Taas oo xaalkii noqdey yaa na iibsanaya iyo Maxaan cunaa. Arintan oo shaanbad ku ah xukuumada Siilaanyo ayaa hal hays iyo hal qabsi unoqotey waxqabadkii xukuumadii Siilaanyo ee loo hanka weynaa.
Muwaadinow, markii ay guulwadayntu ay gaadhay dhamaan xuduudaha Somaliland ayaa waxaa dhacay in xitaa ay u soo gudubto dhinca Qurbaha oo aad arkayso dad lagu tuhunsanaa in ay indhaha aaney ka qarsan jirin ceebta qaawan ee ka socota wadanka hooyo kuwaas mucaarid ahaa oo ubadnaa shaqsiyaad naftoodii dayacey oo afku xoogleyaal ah in qurbaha loogu keeno laaluush ama cashuurtii yareyd ee sariibada laga soo ururiyey dumarkii qoraxdu dishootey ee dan yarta ahaa.
Dillalista , afkumacaashka iyo waji kumacaashka ayey caan ku noqotey xukuumadii siilaanyo taas u sameysey suuq ugaarka oo looga jawaabo qof kasta oo dawlada wax ka sheega. waxaad arkaysaa oo maragmadoonta ah marka ay asxaabta mucaaradka iyo indheergaratada Somaliland ay soo bandhigaan cadaymaha gefka ah ee ay dhexdabaalato Xukuumada Siilaanyo ayaa waxaa soo horboodaay duul kooxo ah oo ku luqaynaaya wixii ay soo liqeen iyaga oo aan karaamadoodii sharaftoodii iyo diin toodii aan midna qadarineyn.
Hadaba, akhristow , muwaadinow maanta halkaas ayey ku danbeysey Xukuumadii Siilaanyo shacabkii doortey ee dirty ee ay maganta iyo miciinka ay moodayeen
Xassan Ahmed
LLB ( Student third at Greenwich )
London UK
Hassankaid4@gmail.com
