Allaah swt waxa adoonkiisa uu u abuuray inuu keligii caabudo.Taasina waxay adoonka u adkaysaa iimaanka.Sidaana waxa gaadha qofka muslimka ah ee mara jidka shareecada,kana taga awhaamta adoonka diiday ilaahay.
Waxa aan tusaalahaa u soo qaatay, ayaamahan waxa saaxada media-ha ku batay xildhibaano ka tirsan golaha wakiilada oo ku milmay xukuumada iyo cida ay taladu ka go’do ee waaxda fulinta.
Labada dhafoor ayay haystaan muwaadiniyiintii codkooda siiyay xildhibaanadaa dar-jiidhay ee xilkoodii ka doortay difaacida waaxda fulinta.Xildhibaanka codka ku yimi golaha wakiilada waxa ku waajib ah inuu:
1.Fuliyo baahiyaha degaanka uu codkiisa xanbaar-sanyahay.
2.Wakiil uga noqdo la xisaab-tanka xukuumada.
3.Wakiil uga noqdo ilaalinta sharuucda xuquuqda.
4.Waxa kale oo uu qaranka wakiil uga yahay sharci dejinta.
Balse waxa la yaab leh xildhibaanada u xuub siibtay hawlaha waaxda fulinta loo igmaday ee xilkoodii xabaal ku tuuray waxa hormood u ah xil.Cali Mareexaan,xil.Bukhaari,xil.Nacnac iyo Xil.Indho-indho.Wakiiladani waxay ilaw-sanyahiin inay metalaan ciday codkooda ku fadhiyaan oo keli ah,waxaanay u haystaan inay dhamaan shacabka JSL metalaan.Waxay garan la’yahiin 82ka xubnood ee golaha wakiiladu inay codadka degaano kala duwan ku fadhiyaan golaha,wadar ahaana qaranka metalaan.
Xildhibaanadan ayaa mar walba ka muuqda media-yaha ayagoo eedaymo u soo jeedinaya xisbiyada mucaaridka ah.Bal yaa u dirtay inay cambaarayn ku hurgufaan mucaaridka!Waa ayaan darro shacabku kala kulmeen xubnahii ay codkooda siiyeen ee ay wakiilada ka dhigteen,tacabkii shacabka ayaa ku dhacay meel madhan.
Talow miyaanay is-dhegaysan waxay ku hadlaan mise waxaabay isu haystaan inay golaha wasiirada ka tirsan-yahiin.Nin baa laga hayaa (Geed-yow ma waxaan ku moodaayay mise waxaad noqotay,mise waxaan dib loogu noqon doonin).Aniguna waxa aan leeyahay waar ka waan-tooba xayn-kan aad xukuumada daba jiidaysaan oo garta xilka idin saran.
Allaa Mahad Leh.
Xuseen Xasan Badmaax
4026100
