Saylaac, Somaliland (Hubaal) – hal qof oo mayd ah oo dhalinyarro ah ayaa laga helay Banka Giriyaadka gaar ahaan meel u dhaw Tuulada laagta morohdale oo ka mida Degmada Saylac. Sida uu ku soo waramay weriye Maxamed Cawaalle Daahir, oo Saylac degani, Maydkan oo sida la sheegay haraad u dhintay ayaa waxaa ii xaqiijiyay Taliye xigeenka Qaybta Booliska Gobolka Salal Cismaan Xaashi Daahir iyo Gudoomiye ku xigeenka Degmada Saylac Sacad Daahir Cigge.
Sidoo kale waxa la xidhiidhay Dadka deegaankaasi waxaanay sheegeen inay galabta casarkii wadada dhinaceeda ku arkeen maydkan,waxayna intaasi raaciyeen inuu yahay qof dhalinyarro ah midabkiisuna casaan yahay bidaar ayuu leeyahay wuxuuna sitay buugaag sidaasna waxa Codkahargeysa u sheegay Gudoomiye ku xigeenka Degmada Saylac Sacad Daahir Cigge. Geesta kale waxaa Deegaanka Laagta morohdale ka jaban ceelkii Biyaha muddo sadex bilood ah taasoo keentay in dhammaan ka qaxaan Dadkii ku noolaa Tuuladaasi marka laga reebo qof ilaaliye u ah Shirkad isgaadhsiineed iyo Nin Fooniye ku haysta Tuuladaasi.
source:codkahargeysa
