warsaxaafadeed kooban oo nuqul ka mid ahi na soo gaadhay ayaa u dhignaa sida tan:
REF: XK/XGX/0042098/2015 Date:21/03/2015
Ujeedo: Saxaafada
War gayska Foore oo ka soo baxa magaalada Hargeisa ayaa wuxuu cadadkiisii maanta bogga hore ku daabacay war aan sal iyo raad toona lahayn oo waxba ka jirin, waxaanan cid kasta u cadaynaynaa in warkaasi yahay been cad oo foore u badheedhay oo aanu geedna ugu soo gaban.
Waxaanu bulshada u sheegaynaa in madaxwaynaha iyo Gudoomiyaha Xisbiga kulmiye ay ka midaysanyihiin siyaasada Dawlada iyo xisbiga ee xiligan iyo ta mustaqbalkaba.
Saxaafadu qaranka waxay u haysaa masuuliyad wayn , hadii masuuliyadaasi u gacan gasho cidan ehel u ahayn waxay dalka ka abuuri kartaa khal-khal wareed.
Gabagabadii waxaanu bogaadinaynaa saxaafada inteeda badan ee dhawrtay Anshaxa iyo xeerka saxaafada waxaananu u digaynaa inta been abuurka iyo khalkhal galinta bulshada caadaysatay
ALLA MAHAD LEH
Mustafe Iid Maxamed
Agaasimaha Xafiiska Xarunta dhexe iyo Xadhiidhka saxaafada
