Washington (Hubaal)-Xukuumadda Waaddanka Maraykanka ayaa liiska dadka sida weyn loo raadinayo kusoo dartay Muwaadin soomaaliyeed oo haatan ku jira Gacanta Dawladda Somalia, kaas lagu haysto arrimo Argagixisonimo.
Muwadinkan oo magaciisa lagu sheegay Liibaan Xaaji Mohamed, ayaa la xidhay waqti yar kadib markii xeerbeegtida mareykanku ay soo saareen sharci fasaxaya in Liibaan lasoo xidho, mana cada sida dowlada Somalia ay ninkan uxidhay iyo qaabka Sirdoonka mareykanka ay ugu wareejin doonto Liibaan.
Ninkan oo taksiile ahaa, kuna noolaa duleedka Washighton, ayaa lagu soo oogay in uu xidhiidh lalahaa Xarakada Al-shabab oo uu mareykanku kudaray liiska kooxaha waxa loogu yeedho argagixisada.
Sida Washington Post ay qortay Liibaan ayaa doonayey in uu door muhiim ah kadhax qaato Al-shabab iyo in uu dhalinyarada uqoro Xarakada Al-shabab.
Liibaan Haji ayey FBI-da mareykanku dul dhigtay madaxiisa lacag dhan $50,000 oo lasii nayo cid walba oo soo sheegta xog isaga lagu soo qaban karo iyadoo hay’ada Sirdoonku ay qaadeen olole dhanka baraha bulshada ah oo xogta ay kusoo gudbin karaan cid-walba oo Liibaan warbixin kahaysa.
Sirdoonka Mareykanka ayaa sheegay in ay ku raja weyn yihiin in dowlada Somalia ay Liibaan kuwareejiso sirdoonka Mareykanka.
source:himilo
