Muqdisho (VOA/Hubaal) Madaxweynaha dalka Turkey Recep Dayyib Erdogan iyo wafdi u hoggaaminayo ayaa ka dagay magaalada Muqdisho.
Madaxweyne Erdogan waxaa garoonka ku soo dhaweeyey madaxweynaha Soomaaliya iyo saraakiil ka tirsan dowladda, iyado kooxda baambowda Soomaaliya ay halkaasi ka garaaceen astaanta calanka Turkey iyo kan Soomaaliya.
Madaxweyne Erdogan ayaa garoonak diyaaradaha Muqdisho ka furay terminaal cusub oo ay dhiseen shirkadda Favori ee laga leeyahay dalka Turkey.
Sidoo kale madaxweynaha Turkey wuxuu dib u furay cisbitaalka Digfeer oo ay dayactireen dowladda Turkey.
Waa markii labaad ee Erdogan uu tago Soomaaliya, isagoo tagay Soomaaliya sannadkii 2011-kii wakhtigaasi oo ay Soomaaliya ka jirtay abaar iyo macluul ba’an.
