Degelka DAMAL Media Oo Baahisay In Dawladda Somaliland Ay Dalkeeda Ka Musaafurisay Madaxii Barnaamijka Cuntada Adduunka U Joogay Hargeysa & Shaqaalihiisii
Hargeysa(Hubaal)- Dawladda Somaliland Ayaa La Weriyey In ay Dalkeeda ka eriday Madaxii u sarreeyey Hay’adda Barnaamijka Cuntada adduunka Ee WFP Mr. Olivear, kadib markii lagu eedeeyey inuu fulin kari waayay mashaariic uu ka mid yahay mashruuc hal ku dheggiisu yahay Cunto Hawleedka, oo loogu talo galay in lagu quudiyo dadka ka shaqeeya dayactirka waddooyinka iyo ceelasha.
Warkan oo aanu kasoo xiganay degelka wararka ee Damalnews.com waxa uu intaa ku daray in Mr. Olivear oo ay weheliyaan Shaqaalihii xafiiskiisa oo Soomaali u badan ay dawladda Somaliland Caydhisay Dabayaaqadii bishii Ina Dhaaftay ee MAY.
